الاثنين، 19 ديسمبر، 2011

يا ريت مصر كلها بلطجية

ياريت مصر كلها بلطجية ويبقى، نصها دكاترة ومتفوقين فى مجال العلوم الدنيوية، والنصف الآخر شيوخ تلتزم بمكانها، تعرف حقها وواجبها، ياريت كل واحد فى مكانه يبقى عارف هو عليه أيه وعليه أيه، مش يبقى عاوز فرصة ويركب زى ما صاحبنا الحقير عمل.
ياريت كلك بلطجية يا مصر، بيتحد فيكى الشيخ مع الدكتور عشان يقولوا للظلم لأ.
ياريت كلك بلطجية ومخربين من الأصناف دى، يارب كتر أمثالهم يارب.






قلبى بيتحرق والله كلما رأيت هذا الفيديو، هل هذه أم بلطجى، هل هذه نبرة أم واحد بلطجى، بالله عليك يا سيادة الحقير، ترضى ابن من ولادك يجرى له كده، فين الأحلام الوردية اللى وعدتنا بها، ولا انت لسه صابر مع الصابرين ! 


فين كلامك يا شرنوبى باشا، فين وعودك بالاستقرار، ولا انت لسه ماشى بخطوات سريعة عشان تلحق تعرف تحتفل بثورة يناير وتُنصب وزيراً للملك يومها وتبقى حامى حمى البلاد ويوسف مصر ومنجيها، يخويا عليكوا شوية كلام، أزبل من رائحة الخبز اللى أكلتوهولنا خمسين سنة، اخص على الرجولة والرجالة، شيلنا فوزية وجبنا حسنية وأيه حصل!


البلد هتكون كويسة من غيركم والله ليه مش عاوزين تفهموا كده ليه عاوزين تعملوا لنفسكم دور مش لكم، بتلبسوا قميص أكبر منكوا ليه، رحم الله امرء عرف قدر نفسه، مفيش شوية رحمة بقلوبكم، منتوش قدها والله، انتوا أبناء مبارك

 لحقيقيين والله مش غيركم، انتوا واتباعكم بدءاً من كبيركم سيادة النائم على السرير وصولاً للمحلل المعتق حنتر بوغاشة، كلكم واحد صحيح لم يتجزء، صدق المثل اللى بيقول لو مات السيد اقتل كلبه لانه مش هيتبع غيره حياً وميتاً... 

ليست هناك تعليقات :

إرسال تعليق

هذا ما كان منى، فاللهم اغفر لى ما أخطأت فيه