معنديش حاجة اكتبها

حالة زهق وقرف مسيطرة كليا على الواحد بسسب الوضع المفروض علينا فى مصر، مش عارف ليه معنتش بطيق كلمة من حد سواء حلوة او وحشة، حاسسها مزيفة مدهونة بحاجة لسه وشها مظهرش، حاسس ان الناس مش ناس، حاسس وراهم كائنات تانية جت احتلتهم او مستهم زى ما الجن بيمسنا كده ومسيطرة على افعالهم واخلاقهم

كل يوم وكل ساعة بقابل واحد بنخدع فى منظره وكلامه وبكتشف من اول معاملة معايا اد ايه حقير وسافل ومفيش عنده دم خالص حاجة جابت لى قرف ومش عارف هل البلد اللى عايش فيها دى كل الناس كده حتى فى دول تانية ولا احنا بس اللى متفردين بالندالة والحقارة دى

فى الشغل اوسخ ناس ممكن تقابلهم وتعرفك يعنى ايه وطينة وحقارة هما المصريين

حتى فى المدرسة مفتكرش واحد من100 كان صاحب بمعنى الكلمة همه عليك فعلا

فى الشارع عمرى ما سئلت حد عن مكان ووصفهولى صح لازم يتوهنى

فين ... وفين .... وفين

فى كل مكان فى بلادى حتة وساخة جوا كل واحد فينا مش ناويين ننضفها ابدا مصرين عليها وبنتباهى بيها فاكرينها هى دى النهضة وهو ده الانسان العصرى

كفاية انا زهقت من القرف اهو ده حالى ومعنديش اكتير من كده